Ofsóknir á hendur Hannesi Hólmsteini

Mikið hefur borið á þeim "ofsóknum" sem ýmsir fjölmiðlar og aðilar innan Háskólans hafa herjað gegn Hannesi Hólmsteini.  En fyrr má nú aldeilis vera og get ég ekki setið lengur aðgerðarlaus og hlustað á þá orrahríð sem gengið hefur yfir fyrrum kennara minn .  Ég útskrifaðist frá Háskóla Íslands á síðasta ári með BA-gráðu í Stjórnmálafræði.  Þeir áfangar sem kenndir voru af Hannesi voru án efa skemmtilegustu áfangarnir sem ég tók meðan á námi mínu stóð.  Ár eftir ár var hann valinn skemmtilegasti/besti kennarinn í Stjórnmálafræðiskorinni og ekki að ástæðulausu.  Óháð því hvort menn voru sammála honum eða ekki, bar hann virðingu fyrir skoðunum annarra og þótti ekkert skemmtilegra en að skeggræða við menn um málefni líðandi stundar.  Hvað Laxnes málið varðar, þá kom það fram í Kastljósinu í gær að hann viðurkenndi að mistök hefðu átt sér stað við gerð fyrsta bindisins og ætlaði hann að bæta þau mistök með því að gefa það út aftur.  Það geta allir gert mistök og er Hannes engin undantekning á þeirri reglu.  Mér fynnst því að menn ættu aðeins að slaka á og leyfa manninum að halda áfram með líf sitt.

Athugasemdir

[Sindri Guðjónsson, 5.4.2008 kl. 19:41]

Þetta er góð færsla. Menn voru byrjaðir að væla og kvarta yfir bókinni hans H. Hólmsteins um H. Laxnes, áður en bókin var komin út. Það er nornaveiðaþefur að þessu. Hann er búinn að viðurkenna að hann gerði mistök. Allir geta gert mistök.